«KMG Barlau» ЖШС-де 15 наурызда өтетін Қазақстан Республикасының жаңа Конституциясын қабылдау жөніндегі алдағы референдумға арналған ақпараттық семинар өтті.
Кездесуді өткізу бастамасын компанияның Бас директоры С.Ә. Боқанов көтерді. Семинар спикері ретінде заң блогының басшысы – аға заңгер А.Б. Исенов сөз сөйлеп, Конституция жобасының негізгі ережелерін таныстырды, ұсынылып отырған өзгерістер мен толықтырулар, сондай-ақ дауыс беру тәртібі туралы баяндады.
Кездесу ашық талқылау форматында өтті: қызметкерлер өз сұрақтарын қойып, пікір алмасты.
Ұйымдастырушылар алдағы референдумда әрбір азаматтың хабардар болуы мен жеке қатысуының маңыздылығын атап өтті.
